Тимот на Рајн Некар Левен, каде настапува македонскиот интернационалец Дејан Манасков, без никакви проблеми славеше на гостувањето кај тимот на Хошдорф со 42:19 во првата рунда на Купот на Германија.

Манасков не играше многу на овој меч и беше стрелец на 2 гола од 3 обиди и тоа сите од контранапад. Најдобар стрелец за Рајн Некар беше неговиот колега на лево крило, Гудјон Валур Сигурдсон со 6 голови.

Во следната рунда се пласираа и тимовите на Вецлар, кој без повредениот Миркуловски го победи Хутенберг со 30:25, како и Бергишер на Ацо Јоновски, кој во победата над Емсдетен со 28:21 заработи жолт картон.