Дојде како тинејџер, ама и ќе „остаре“ како член на Фленсбург

Шампионот на Германија, Фленсбург многу порано од истекот на договорот потпиша продолжување на соработката со организаторот на игра Џим Готфритсон. Тој имаше обврска со клубот до 2021 година, а со новиот договор ќе остане во редовите на Фленсбург до 2025 година.

Готфритсон стана играч на Фленсбург како тинејџер, кога премина од Истад и веќе во првата сезона со бундеслигашкиот тим ја освои Лигата на шампионите.

„Џим одлично го разбира ракометот и има импресивно предвидуање на противникот. За време на претстојот во Фленсбург израсна во апсолутен лидер на тимот“, изјави тренерот на Фленсбург, Мајк Макула.

Швеѓанецот сега има 28 години, а по истекот на договорот ќе има 33, што значи дека можеби ќе остане во Фленбург и до крајот на кариерата. Готфритсон е член на репрезентацијата на Шведска и до сега има одиграно 79 мечеви за својата нацинална селекција.