Битолскиот суперлигаш Еурофарм Работник се огласи со соопштение до медиумите по повод допинг скандалот што вчера излезе во јавноста. Како што објави 24Ракомет, еден ракометар на „фармацевтите“ е позитивен на допинг тест, кој беше извршен на 14 октомври по средбата меѓу Бутел Скопје и Еурофарм Работник.

Од битолскиот клуб велат дека за работи за голем шок, бидејќи особено што се работи за докажан спортист и човек кој со своето однесување е пример за сите помлади играчи.

„Во однос на написите кои се појавија во текот вчерашниот ден, а се однесуваат за откриена недозволена супстанца кај еден од нашите играчи при извршена допинг контрола, ја известуваме спортската и останатата јавност во Република Македонија дека после добиеното известување од РФМ за овој случај ги презедовме сите соодветни мерки и постапки согласно правилата за постапување при ваков настан. Исто така, сакаме да потенцираме дека како клуб ги имаме преземено сите мерки за едукација на нашите играчи и превенирање на несакани настани од таков вид. Посветуваме големо и многу професионално внимание на оваа проблематика.