Репрезентацијата на Македонија ќе игра во Минхен против добро познати ривали од Европа. Ждрепката донесе група во која ќе има четири европски селекции, како и Бахреин и Јапонија.

Македонија беше последната селекција извлечена од 3. шешир, а таму веќе беше и селекцијата на Хрватска, како и Исланд.

Со оглед на тоа што остана само уште еден противник Македонија немаше многу избор и доби силна група во која подоцна се најде и актуелниот европски првак, Шпанија.

Ждрепката денеска не ја посака Македонија бидејќи имаше далеку подобар избор во групите кои сигурно ќе донесеа и повеќе шанса за бодови во првиот круг и за пренесување за следната фаза. Сепак, ќе мора да се најде игра за да се совладаат противинците кои се најдоа во групата каде што е и Македонија.

Инаку, само во една од групите има две репрезентации од Европа, а таму носители се Швеѓаните, додека во првите две групи кои ќе вкрстат во вториот круг се најдоа по четири селекции од стариот континент.

Во вториот круг според системот за натпреварување одат најдобрите три од секоја група, а се пренесуваат и бодовите од меѓусебните дуели.

СВЕТСКО ПРВЕНСТВО 2019

ГРУПА А

ФРАНЦИЈА

РУСИЈА

ГЕРМАНИЈА

СРБИЈА

БРАЗИЛ

КОРЕЈА

ГРУПА Б

ШПАНИЈА

ХРВАТСКА

МАКЕДОНИЈА

ИСЛАНД

БАХРЕИН

ЈАПОНИЈА

ГРУПА Ц

ДАНСКА

НОРВЕШКА

АВСТРИЈА

ТУНИС

ЧИЛЕ

САУДИСКА АРАБИЈА

ГРУПА Д

ШВЕДСКА

УНГАРИЈА

КАТАР

АРГЕНТИНА

ЕГИПЕТ

АНГОЛА