Македонскиот стратег Андон Бошковски, кој од ова лето го презема кормилото на женскиот ракометен клуб Роман, стартуваше со реми во премиерното коло на романскиот шампионат.

Роман одигра 28:28 на гостувањето кај незгодната Униреа Слобозија. Во првиот дел домаќинките поведоа со 10:6, но избраничките на Бошковски, преку Ирина Глибко, која погоди четири пати во серија се вратија во мечот, па дури водеа и со 19:17 во вториот дел.

Сепак во финишот се играше гол за гол, па откако Роман поведе преку Попеску во 59 минута, на девет секунди до крајот и домаќинките погодија и се изборија за нерешени, 28:28.