Ракометарите на Охрид продолжуваат со одличните игри со Суперлигата. Во четвртото коло на домашен терен во салата Билјнини Извори беше совладана екипата на Радовиш со 29:25.

Гостите од Радовиш пружија силен отпор и беа рамноправни во поголемиот дел од натпреварот. Првиот дел беше потполно рамноправен, и двете екипи имаа минимална предност но на крајот по 30 минути игра беше 13:13.

Во вториот дел продолжија во ист ритам, првото поголемо водство Охрид го направи околу 40. минута кога стигнаа до 19:16. Оваа предност не траеше долго, брзо возвратија гостите и пак беше нерешено. Клучен дел за одлучување на победникот беа последните десет минути.

Неколкуте грешки на Радовиш во последниот дел од мечот и двете одбрани на Брануовиќ од кои една од седмерец беа решавачки. Потоа во напад реализираа охриѓани и влегоа во мирни завршни минути. Најефикасен играч за Охрид беше Бобан Блажески со седум гола, а Денис Тот постигна шест. Во екипата на Радовиш, Филип Николов беше најдобар стрелец со седум гола.

ОХРИД – РАДОВИШ      29:25 (13:13)

Сала: СРЦ Билјанини Извори во Охрид. Гледачи: 300. Судии: Методија Илиевски и Михајло Илиевски. Делегат: Славчо Каланоски.

ОХРИД: Брауновиќ, Андоновски 5, Кривокапиќ 1, Блажески 7, Костов, Гошевски, Цителишвили 4, Соколов, Тасески 4, Манасков 2, Ивановски, Ристески, Димитриески, Атанасовски, Тот 6, Даниловски.

Седмерци: 3/4 Исклучувања: /

РАДОВИШ: Пунов, Димов, Јовнов, Ѓоргиевски, Долдуров 1, Фенов, Ѓoрѓиев, Органџиев 2, Николов 7, Ристов 1, Тушев, Илиев 6, Трајанов 2, Везенковски 6.

Седмерци: 4/6 Исклучувања: 14 мин.