На 17 јули започнаа официјалните подготовки на екипата на Кил, прв фаворит за освојување на Лигата на шампионите 2014/2015. Во спортскиот комплекс на унивезитетот во Кил, 18 супeрѕвезди започнаа со подготовките за претстојната сезона и одбрана на трофејот во Бундеслигата. Под водство на Гисласон и помошниците Јон Уве Ламел и Хинрих Брокман, новите „зебри“, Штефан Вајнхол, Домагој Дувњак и Јоан Канељас ќе се обидат да го направат и последниот чекор до трофејот во Лигата на шампионите, откако оваа година во финалето останаа со празни раце. На патот до покорување на ракометна Европа ќе му застане и македонскиот шампион Металург кој во групната фаза ќе се надева на изненадување пред своја публика во арената „Борис Трајковски“.

*Фото: facebook.com/thwhandball

Противникот на Вардар во групната фаза од Лигата на шампионите, германскиот вице-првак Рајн Некар Ловен, подготовките за претстојната сезона ги започна од тренинг центарот на „лавовите“ во Мајнхем на 15 јули. Новиот тренер на гермаскиот вицепрвак, Николај Јакобсен, ќе има тешка задача да го повтори успехот од минатата сезона, кога трофејот на Германија им избега за само два погодока во вкупната гол разлика со Кил. Во наредната сезона новиот предводник ќе може да смета и на Мадс Ларсен Менсах, Харалд Раинхард, Бастијан Рутчман како и на германскиот репрезентативен бек Штефан Кнеер кој доаѓа од екипата на Магденбург. Тимот оваа сезона го напуштија тренерот на екипата и нов дански селектор Гудмундур Гудмундсон најдобриот норвешки пивот Бјарте Мирхол како и катарскиот репрезентативен голман Горан Стојановиќ.

*Фото: facebook.com/rnloewen