Талентираниот десен бек на ППД Загреб, Лука Степанчиќ од следната сезона ќе биде член на Париз Сент Жермен. Тој во интервју за хрватското радио обелодени дека неговата следна дестинација е Франција.

„Во моментов сум играч на ППД Загреб и се ми е врзано за Загреб, но ова ми е последна сезона. Да, следната адреса е Париз“ – изјави Степанчиќ.

Хрватскиот бек најверојатно го одигра и последниот натпревар за екипата на Загреб откако во дуелот со Фленсбург доби повреда на коленото и му претстои рехабилитација од неколку месеци.