На програмата во Шпанија беа полуфиналните дуели од купот. Очекувано екипата на Барселона се пласираше во финалето го совлада тимот на Ла Риоха, а противник ќе и биде составот на Куенка кој беше подобар од Гранољерс.

Во првиот дуел помеѓу Куенка и Гранољерс победникот речиси беше решен по првото полувреме кога составот на Куенка направи солидна предност пред продолжението. На полувреме имаа водство 17:10. Во вториот дел ракометрите на Гранољерс се обидоа да се доближат но разликата беше преголема па до крајот на натпреварот само го ублажија поразот. Конечниот резултат беше 26:22 во корист на Куенка.

Барселона беше апсолутен фаворит во вториот дуел против Ла Риоха и ја оправда фаворитската улога. Без поголеми проблеми обезбеди пласман во финалето и славеше со 28:24. Веќе по првите 30 минути Барса обезбеди предност 17:10 за мирна игра во вториот дел. Д0 крајот рутински одработеа за пласман во финале и борба за првиот трофеј сеозонава.

Финалето се игра денеска во 19:00 часот во кое Барселона е огромен фаворит.

Куп на Шпанија, полуфинале, резултати:

Куенка – Гранољерс 26:22 (17:10)
Барселона – Ла Риоха 28:24 (17:10)