Пред стартот на финалниот турнир, Вардар се стекна со признание во идеалниот тим на Лигата на Шампионите. Норвежанката Камила Херем доби најмногу гласови од публиката  со што е избрана за најдобро лево крило во оваа сезона во најелитната конкуренција. Фановите имаа можност да изберат од  номинациите на ЕХФ за секоја позиција, плус најдобар дефанзивец, млад играч и тренер.

Изборот за најдобара ракометарка е спој на гласови од публиката која оваа година броеше преку 25000 и признати експертски имиња меѓу кои Ким Расмусен, Евгениј Трефилов, Хеле Томсен, Марта Бон…

Од составот на вардарки вкупно шест ракометарки се најдоа во конкуренција за идеалниот тим: Амандин Лејно, Јованка Радичевиќ, Камила Херем, Александра Лакрабер, Андреа Лекиќ и Андреа Пенезиќ.

„Ол Стар“ тим:

голман: Кари Гримсбо (Ѓер)
лево крило: Камила Херем (Вардар)
десно крило: Кармен Мартин (ЦСМ Букурешт)
лев бек: Кристина Неагу (Будуќност)
десен бек: Нора Морк (Ѓер)
централен бек: Нике Грот (Ѓер)
пивот: Марит Фрафјорд (Ларвик)

најдобар дефанзивец: Едуарда Аморим (Ѓер)
најдобар млад играч: Бјанка Биро (ФТЦ)
тренер: Амброш Мартин (Ѓер)