Тимот на Синфин од Сантандер, каде што настапува македонскиот интернационалец Дарко Димитриевски, загуби по подолго време во Асобал лигата.

Иако се очекуваше победа, сепак Синфин потклекна во второто полувреме и беше поразен со 21-25 од Куенка, откако на паузата имаше минимална предност со 11-10.

Нашиот интернационалец беше најдобар стрелец во домашната екипа и постигна шест погодоци, но не можеше сам против сите гости.

Во следното коло Синфин ќе игра на гости кај Ваљадолид, а иако падна за две позиции, сепак со 23 бодови е блиску до второпласираната Бидасоа што има 27 бодови.