Тимот на Синфин Сантандер, каде што настапува македонскиот интернационалец Дарко Димитриевски ја продолжи победничката серија во Асобал лигата.

Синфин како гостин славеше над составот на Алкобендас со минимални 25-26, а победничкиот гол беше постигнат во последните секунди од натпреварот.

Димитриевски беше стрелец на четири голови од шест обиди, а со оваа победа Синфин остана на седмата позиција со 22 бодови, но само три помалку од втората Бидасон Ирун.

Во следното коло Синфин ќе му биде домаќин на тимот на Куенка.