Познат е распоредот на првенството на Унгарија за сезоната 2019/20 кое ќе започне на крајот на август. Првото коло на програмата е на 23 август.

Шампионот Веспрем обраната на титулата ќе ја започне на домашен терен против Дабаш. Познати се и датумите на дерби пресметките помеѓу најголемите ривали ПИК Сегед и Веспрем. Првиот дуел во Веспрем е на 19. декември, а втората пресметка во Сегедин е закажана за 11. април.

Овие дуели се очекува да бидат одлучувачки за првото место во регуларниот дел. Но да не заборавиме дека Татабања во пресрет на сезонава значително го засили својот тим па би можеле и тие да се вмешаат во борбата за врвот. Покрај во домашното првенство, Веспрем се враќа во СЕХА лигата, а за прв пат ќе настапува и Татабања.