Екипата на Железничар финишираше на 4. место на Струшкиот турнир откако претрпе пораз од составот на Тулуз во битката за 3. позиција 24:32.

Во текот на целиот турнир ракометарите покажаа борбеност, покажаа дека во новата сезона ќе бидат тврд орев за секој противник особено во СЕХА-лигата.

„Знам дека можеме многу повеќе од она што го покажавме тука во Струга. Јас сум само 20 дена тренер на Железничар и ќе ни треба време за да можеме да покажеме уште подобри резултати. На турнирот се виде дека многу ни недостига квалитетен голман. Добро е познато дека добар голман е пола тим“, изјави стратегот на Железничар.

Во однос на струшкиот турнир имаше пофални зборови.

„Ова беше најдобро организираниот турнир досега. Имаше квалитетни екипи и публиката уживаше во ракометот. Задоволен сум што бевме дел од овој турнир и секогаш ќе доаѓаме во Струга доколку добиеме покана за учество“, рече Вујовиќ во изјавата за 24 Ракомет.

Комплетната изјава можете да ја проследите во видеото во продолжение.