Ракометарките на Вардар во битката по нов пласман на завршниот турнир во Лигата на шампионите ќе се соочат со противници од Унгарија, Норвешка и од Германија во првиот дел од групната фаза.

Екипата на Турингер денеска ја доби битката од квалификациите и успеа да го совлада составот на Х65 Хорс со 33:24. На тој начин Турингер се најде уште еднаш во група со Вардар, а таму се и ФТЦ Раил Карго и Ларвик така што вардарки ќе имаат тешка задача за да успеат да стигнат до место во втората фаза.

Се работи за три квалитетни ривали, а веќе e јасно дека Вардар ќе гостува во Германија во 2. коло кое се игра на средината на октомври.

ЛИГА НА ШАМПИОНИ (ЖЕНИ) – ГРУПА Ц

РАСПОРЕД НА НАТПРЕВАРИТЕ ЗА ВАРДАР

06.10.2017

Вардар – ФТЦ Раил Карго (Унгарија)

13-15.10.2017

Турингер (Германија) – Вардар

21.10.2017

Ларвик (Норвешка) – Вардар

04.11.2017

Вардар – Ларвик

11.11.2017

ФТЦ Раил Карго – Вардар

17.11.2017

Вардар – Турингер