Шампионски танц на Вардар во Сегедин за хет-трик влезница за Келн (ФОТОГАЛЕРИЈА)

Победата на Вардар обезбедена на првиот меч против Пик Сегед на домашен терен од 31:23 беше и повеќе од доволна за да може на крајот од двомечот „црвено-црните“ да бидат тие коишто ќе се радуваат на пласман на Ф4 турнирот во Келн.

Ракометарите на Вардар одиграа тактички добро и зрело и ги распоредија сили така за да можат да дојдат до победа во оваа битка. Речиси идентично како што течеше дуелот ПСЖ-Келце и во Сегедин, Вардар мораше во завршницата да се бори за враќање во живот, а од 41. до 50. минута работите дојдоа на свое место и беше обезбеден резултат кој носеше во Келн.

Финишот донесе и многу нервоза кај домашните, но оној што губи секогаш мора да најде алиби за да се заштити поради неуспехот.