Европската ракометна федерација го објави овогодинешниот “ол-стар” тим на Лигата на шампиони, во кој свое место имаат нашиот најдобар ракометар Кирил Лазаров,  и левото крило на Вардар,  Тимур Дибиров.

Лазаров, беше изгласан од ракометните фанови ширум светот со 42, 04% од гласовите (11 169 гласови), додека пак Тимур Дибиров со 36,11% ( 9593 гласови).  Главни конкуренти за место во идеалиот состав им беа Ренато Вугринец и Уве Генсхајмер.

Ова е трета година ЕХФ да прави анкета на ракометните фанови, за избор на најдобри играчи во измината сезона. Во мај минатата година 20 000 фанови учествуваа во изборот на  ” ол-стар” тимот на Велукс Ехф лигата на шампиони, додека пак 18 000 фанови  во април оваа година  го креираа изборот на првиот  женски “ол-стар” тим во лигата на шампионите.

2013/14  ” Ол-стар” тим на Велукс Ехф Лигата на шампиони 

Лево крило- Тимур Дибиров (Вардар Скопје) 36,11% (9,593 гласови)

Лев бек- Момир Илиќ ( Веспрем) 54,60% (14,507 гласови)

Пивот- Ренато Сулиќ ( Веспрем) 56,45% ( 14, 997 гласови)

Централен бек – Михаел Хансен(Псж) 43,99% (11,686 гласови)

Десен бек- Кирил Лазаров( Барселона) 42,04% (11,169 гласови)

Десно крило- Лук Абало ( Псж) 42,73% ( 11,353 гласови)

Голман- Никлас Ландин ( Рајн-Нехар Ловен) 44,03% (11, 699 гласови)

Најдобар дефанзивец -Тимушин Шуч (Веспрем) 49,27% (13,091 гласови)