Одличната генерација младински репрезентативци на Македонија во својот последен настап ќе играат на Светското првенство во Алжир. Предводени од Илија Темелковски, генерацијата на Талески, Нелоски, Кузмановски ќе го одигра последниот мундијал во младинските категории. Целта е да се дојде меѓу најдобрите осум селекции во светот, а скала повисоко само дополнително ќе даде мотив за младите ракометари. Пред просториите на Ракометната Федерација на Македонија, селекторот Темелковски истакна дека во Алжир ќе се борат за висок пласман, а по групната фотографија, младинските репрезентативци заминаа на Маврово како прв дел од подготовките. Во рамките на подготовките ќе се одиграат и две контролни средби со младинската селекција на Катар, а на 16ти јули заминуваат за Алжир на мундијалското деби за оваа генерација ракометари.

[gallery_bank type=”images” format=”masonry” title=”false” desc=”false” responsive=”true” display=”all” sort_by=”pic_name” special_effect=”none” animation_effect=”bounce” album_title=”false” album_id=”184″]