Пред почетокот на оваа сезона, германскиот шампион и еден од најдоминантните тимови во светот на ракометот во изминативе 15 години, Кил го презентираше видеото кое ќе оди како најава пред секој домашен натпревар во Шпаркасе Арената. Во видеото покрај ракометарите, учествуваат и фановите од кои беше побарано да пратат свои видео материјали со слоганот „Ние сме Кил“.
Убава најава пред почетокот на сезоната која и не започна баш најдобро за германците. Да потсетиме во вчерашниот натпревар од првото коло во ЛШ, Кил во последните петнасетина минути во Загрепска Арена беше декласиран од ППД Загреб со 29-22, со што го забележа а најтешкиот пораз во својата историја во Лигата на шампионите.