По одличното издание на Шпанија против репрезентацијата на Данска, Црногорките нема да имаат воошто лесна задача во полуфиналето. Данките во клучниот дуел потфрлија,а пресуди искуството и мотивацијата.
ГРУПА 1(Унгарија, Дебрецен)
ШПАНИЈА 29-22 ДАНСКА (15-12)
Неизвесноста траеше 22 минути.Иако Шпанија имаше предност од еден гол, Данките одржуваа чекор се до 25-та минута кога по головите на Пена и Фернандез, Шпанија се одлепи на 12-9. Највисока предност Шпанките имаа во 29-та минута 15-11, но до крајот на полувремето Торсгард постигна погодок за конечни 15-11

Надежта дека може да се изборат за полуфинале данските ракометарки ги одржуваше во игра до 36-та минута кога Спелерберг постигна погодок за минимални два гола предност на Шпанија. Кабрал на два пати, Пинедо и Мартин беа прецизни за највисоката разлика од шест погодоци, 21-15 во 42-та минута. Кога веќе беше решен противникот, Шпанките наместо да застанат го засилија темпото и до 53-та минута создадоа недостижна предност од 10 голови, 28-18.
До крајот на натпреварот Данска само го намали високото водство за голема радост на Шпанија и ново полуфинале.
Најпрецизна во победничката селекција беше Кабрал, додека во редовие на скандинавките Јоргенсен постигна 7 погодоци.
Шпанија ќе се сретне со Црна Гора во првото полуфинале кое на програмата е во петок 19.12.2014.