Новиот тренер на Нант, Алберто Ентрериос, кој го замени Тјери Анти, означи старт на подготовките на францускиот тим.

Покрај нашиот Кире Лазаров, на собирот беа присутни сите ракометари, меѓу кои и шесте нови засилувања.

Пивотменот Буриќ, голманот Нилсен, бековите Овничек, Калваканти и Мин, како и крилото Аугустинсен му се ставија на располагање на Ентрериос.

Нант ќе одигра неколку пријателски турнири во Германија и Франција во претсезоната, од кои најсилна конкуренција ќе има на „Евро турнир“ во Стразбур.