На три средби до крајот на групната фаза вече се познати две двојки за четвртфиналето така што останува денеска да се види кои ќе бидат другите две двојки од единствената елиминациската рунда на патот кој Ф4 турнирот во Будимпешта.

Она што е јасно е дека Ѓер за противник во четврт-финалето ќе ја има екипата на Одензе додека Кристијансанд ќе игра против Будуќност. Останува само да се види како денеска ќе заврши дуелот меѓу ФТЦ Раил Карго и Крим Меркатор. Сосема извесно е дека домашните се фаворити за победа и тука нема дилеми. Единствено ако сакаат да тактизираат со противникот, па да сакаат да го избегнат Ростов Дон и да одат на Мец.

Оттаму, победа за ФТЦ против тимот од Словенија значи двобој со Ростов, а пораз ќе го донесе тимот на Мец. Тоа ќе го реши и ривалот на ЦСМ Букурешт во четврт-финалето. Сепак, поизвесно е дека Унгарките ќе играат против шампионот на Русија, додека лидерот во Групата 1 ќе мора против шампионот на Романија.

ЛИГА НА ШАМПИОНИ (ЖЕНИ)

ДВОЈКИ И РЕЗУЛТАТИ ОД 10. КОЛО

ГРУПА 1

РОСТОВ ДОН – ОДЕНЗЕ              25:19

Шен 6, Боршченко 5, Макеева 5 – Бакеруд 9, Хојлунд 4, Јенсен 2

НЕДЕЛА, 10 МАРТ

15:00ч

КОПЕНХАГЕН – МЕЦ

17:00ч

БРЕСТ – БУДУЌНОСТ

ТАБЕЛА: 1. Мец 15 бода (266:206); 2. Ростов Дон 15 (261:241); 3. Будуќност 10 (223:226); 4. Одензе 8 (246:267); 5. Копенхаген 6 (235:247); 6. Брест 2 (231:275).

ГРУПА 2

ЦСМ БУКУРЕШТ – ТУРИНГЕР    23:23

Радичевиќ 8, Омореги 7, Лазовиќ 3 – Штоле 6, Хубер 4, Болк 3

КРИСТИЈАНСАНД – ЃЕР               26:33

Ваде 6, Ауне 4, Суланд 4 – Офтедал 8, Грот 5, Братсет 3

НЕДЕЛА, 10 МАРТ

14:30ч

ФТЦ РАИЛ КАРГО – КРИМ МЕРКАТОР

ТАБЕЛА: 1. Ѓер 18 бода (333:267); 2. Кристијансанд 12 (288:265); 3. ЦСМ Букурешт 11 (292:282); 4. ФТЦ Раил Карго 10 (267:279); 5. Крим Меркатор 5 (216:250); 6. Турингер 2 (255:308).