После паузата, возбудувањата во најсилната лига на Франција продолжија по старо темпо. На програмата, беа пет натпревари во кои гледачите имаа можност да воздивнуваат и да се радуваат на мајсториите на некои од најголемите ракометни имиња.

Со победа после паузата, се врати Монпелје. Момците на Патрис Канаје го совладаа Истр на гости со 30:31 и во голема неизвесност ги однесоа бодовите. По првиот дел, Монпелје беше подобар противник и водеше со 17:14. Истр силно мотивиран, одлично влезе во второто полувреме и успеа да ја надомести негативата, а при крајот се бореше и за победа. На една минута до крајот, Истр имаше напад за водство кој не беше искористен, а Монпелје преку контранапад кој го реализираше Мишел Гигу ја однесе минималната победа.

За Раул и ПСЖ, тимовите во Франција немаат лек. Тимот од Париз ја забележа тринаесеттата победа во лигата, а жртва беше Данкерк. Мирно и доминантно, парижаните на полувремето стигнаа до водство од 17:9, за до крајот малку да го намалат темпото и да победат со 30:23. Недим Ремили со седум и Лук Абало со четири беа најзаслужни за победата на својот тим. На другата страна, Том Пелајо погоди петпати, додека четири беа дело на Баптист Буто.

РЕЗУЛТАТИ:

Истр – Монпеље 30:31

Ним – Сен Рафаел 30:28

Иври – Рен 18:18

Понто Комбо – Екс 28:29

Трембле – Тулуз 23:35

ПСЖ – Данкерк 30:23

Табела: 1. ПСЖ 27 (+89), 2. Монпелје 23 (+36), 3. Нант 22 (+43, – 1 меч), 4. Шамбери 21 (+35, – 1 меч), 5. Ним 21 (+17)…