Средбата меѓу Германија и Франција во битката за 3. место донесе далеку поинтересен и повозбудлив ракомет отколку што беше тоа случај во финалето каде Данска го прегази составот на Норвешка.

Германците и Французите одиграа неизвесен натпревар до самиот крај, а таму до последен момент не се знаеше кој ќе дојде до победата. Особено возбдудливи беа последните 30 секунди кога се решаваше победникот, а имаше големо наттрчување. И едните и другите се обидуваа да погодат, но немаа среќа. Сепак, Никола Карабатиќ покажа зошто и понатаму е во светскиот врв и донесе победа за Франција од 26:25.

Карабатиќ е херојот на денот и играч кој во период од 12 месеци освојува два бронзени медали. Селекцијата на Франција во 2018 година во јануари успеа да дојде до 3. место и на Европското првенство кое се одржа во Хрватска.