Македонската ракометна репрезентација го одржа својот прв собир во хотелот Александар Палас пред одлучувачките дуели со Швајцарија и Чешка. Од списокот на Обрван се појавија речиси половина репрезентативци, но недостасуваа главните носители на играта на Македонија: Кирил Лазаров, Наумче Мојсоски, Ренато Вугринец и Дејан Манасков.
Од скратениот список на Обрван не се појавија и Лазе Мајнов и Влатко Митков. Играњето на Кирил Лазаров е под знак прашалник, Вугринец и Мојсоски сè уште немаат добиено дозвола од катарските сопственици и најверојатно нема да се појават, додека Дејан Манасков се очекува да се приклучи на репрезентацијата.
Комбинации има многу, но едно е сигурно, Обрван ќе има тешка задача да го состави тимот кој ќе треба да се спротивстави на Швајцарија во Сент Гален.