Пред натпреварот од четвртото коло од Лигата на шампионите во кој македонскиот шампион Металург го пречекува првакот на Германија, екипата на големиот Кил, домаќинот ја одржа својата прес-конференција.
Лино Червар, шеф на стручниот штаб:
Играме со Кил, како што ви е познато во првиот дел од натпреварите не бевме успешни, малку ни е жал за последната утакмица игравме добро и требаше да победиме. Идеја и визија имаме како треба да се развива нашиот клуб, видовте во Загреб на 11-11 го вметнавме Нелоски во игра и постепено ги интегрираме помладите ракометари. Сакаме нашите деца, нашите ракометари да учат да бидат добри луѓе, а потоа и добри ракометари. Не сакам да губам, а во животот ако сакаш да створиш нешто мора да знаеш да губиш. Секако дека размислуваме на Кил и секако дека се подготвуваме, независно од тоа во кој состав ќе играме ќе се бориме, знаеме кој е Кил, но ние ќе се бориме до крај. Многу се опасни на надворешните позиции Дувњак, Палмерсон, Вујин познати репрезентативци интернационалци, но покрај тоа секој е ранлив, на нас е да не жалиме труд, борба и храбростна овој меч
Ванчо Димовски, ракометар:
Сите знаеме за каков противник се работи и со каков квалитет располага. Последен натпревар од првиот циклус е пред нас, во претходните кола не заслуживме да бидеме со 0 бодови, но тоа е спортот имавме лош распоред и немавме среќа, работите околу нас и атмосферата не беше вистинска, се надеваме овој прв циклус да го завршиме позитивно и да се подготвиме за гостувањето во Шпанија. Тргна возот, но уште имаме шанси да се качиме во него.

Натпреварот се игра во сабота со почеток во 21:00.