Екипата на Вардар ја започнува својата сезона во Лигата на шампионите за прв пат во новата спортска сала “Јане Сандански” во сабота во 19:00. Противникот е добро познат, рускиот шампион Чековски Медведи. По тој повод Вардар ја одржа првата прес конференција во рамките на Лигата на шампиони.
Раул Гонзалес, тренер на Вардар:
Мислам дека овој меч е многу важен за нас, два бода во оваа група е секогаш тешко да се заработат. Имаме добар тим против себе, стартуваме со противник кој е прилично силен. Секогаш е важно да се победува на домашен терен, малку се плашам стартуваме во нова сала. Екипата на Чековски Медведи има слична одбрана како и Загреб и се спремаме максимално за тој натпревар.

Тимур Дибиров, ракометар, РК Вардар:
Овој натпревар ќе биде тежок, како и секој во Лигата на шампиони, секоја екипа е шампион во својата земја. Целје е веќе далеку во нашите мисли се вртиме кон новите натпревари. Сакам Јане Сандански да биде новата тврдина и со победа да ја започнеме таа традиција. Медведи се одлична екипа од каде потекнувам и јас. Вардар сака да испише нова историја и затоа ќе мора да одиграме максимално во наредните три натпревари во Лигата на Шампионите.

Натпреварот започнува во 19:00, а вратите се затвораат во 18:45 кога ќе започне најавата на учесниците на овој меч. Во сабота се отвора и фан-шопот на спортскиот бренд Хумел, а од секоја продадена карта 10 денари ќе се донираат во хуманитарни цели.