Како што е познато оваа година покрај нашите два ракометни брендови Вардар и Металург, свое учество на Струшкиот ракометен турнир ќе земат Кретеј(Франција), Азоти Пулави(Полска), Металопластика ( Србија), Санкт Петербург ( Русија).
Интересен избор на клубови, а посебно интересни покрај натпреварите на Вардар и Металург, ќе бидат и натпреварите на Франциски Кретеј кој доста се засили во овој преоден рок. Потпишувањето на македонскиот репрезентативниот голман Борко Ристовски, босанскиот репрезентативен пивот Мухамед Торомановиќ, како и одличниот лев бек на романска Констанца, Чепреги се мотив плус за македонските фанови да го проследат овогодинешното издание на Струшкиот ракометен турнир. Ова ќе биде и прва можност за сите ракометни навивачи на Металург и Вардар на дело да ги видат новите засилувања на овие клубови. Штербик, Лацковиќ, Горбок, Шишкарев во екипата на Вардар, како и Коциќ, Липовина и Џукиќ во екипата на Металург.
По извлечената ждрепка македонскиот шампион Металург се најде во групата А заедно со Кретеј и полскиот тим Азоти Пулави, додека пак во групата Б, Вардар ќе игра против Металопластика и Санкт Петербург.
Струшкиот ракометен турнир ќе започне на 13 август со ревијален натпревар помеѓу екипите на Металург Јуниор и домаќинот Струга(18:00), потоа следува церемонијата на свеченото отварање(19:45) а од (20:45 часот) ќе започне и првиот официјален натпревар помеѓу Металург и Кретеј.
Во финалето ќе играат првопласираните екипи од двете групи, а тоа е закажано за сабота од 21:00 часот.
Група А
Металург
Кретеј
Азот Пулави
Група Б
Вардар
Металопластика
Санкт Петербур
СРЕДА (13 август, ПРВ ДЕН): Металург Јуниор-Струга ( ревијален натпревар, 18:00), Свечено отворање (19:45), Металург-Кретеј (20:45), Металопластика-Санк Петербург (22:30)
Четврток ( 14 август, ВТОР ДЕН): Азоти Пулави-Кретеј (19:00), Вардар-Санкт Петербург (20:45)
Петок (15 август, ТРЕТ ДЕН): Вардар-Металопластика (19:00), Металург-Азоти Пулави (20:45)
Сабота (16 август, ФИНАЛЕН ДЕН): натпревар за 5 место (19:30), натпревар за 3 место (19:15), ФИНАЛЕ ( 21:00)