Македонската машка јуниорска репрезентација загуби и во третиот натпревар на ЕП за јуниори во Австрија. Викинзите успеаа да ја совладаат нашата репрезентација со 27-23 (13-10), и не сместија на последната позиција во групата А.

Нашите јуниори подобро го започнаа натпреварот и во поголемиот дел од првото полувреме ја контролираа играта. Во првите десетина минути имавме слаба реализација на ударите од 7 метри, но со добра игра во одбраната успеавме да го контролираме натпреварот. Сепак норвежаните беа подобар противник во последните 5 мин од првото полувреме и на одмор заминаа со 3 голови позитива 13-10.

И покрај негативата нашите момци успеаа да се вратат во игра израмнувајки на 16-16. Но повторно како и на предходните натпревари во моментите кога се крши резултатот немаме доволно концентрација и константност во нападот што противникот знае да го казни. Норвешка повторно го превзема водството кое постојано го зголемуваше за конечни 27-23.

По овој пораз нашата репрезентација се пласираше на последната позиција на табелата во групата А.