Да биде трагедијата поголема, србите успеаа да прокоцкаат цели 8 голови предност кои си ги обезбедија на првиот натпревар одигран во Ниш, за нивна жалост не беа доволни за пласман во Катар.
Импресионираноста од атмосферата и големиот број технички грешки беа главната причина за овој дебакл на српската репрезентација. Чесите знаеа како да ги казнат буквално сите грешки на противникот и преку контра напади реализираа од секоја можна позиција. Веќе на полувреме Чешката репрезентација имаше двоцифрена разлика 18-8.
Србија како однапред да се предаде на овој натпревар, не покажуваше знаци дека може да се врати во игра, а и Чешките ракометари не ни помислуваа да препуштат ништо на случајноста. До самиот крај го контролираа резултатот за конечни 33-21 и потпоплно го заслужија пласманот на Светското првенство во Катар 2015 година. Мотл со десет и Јурка со девет голови беа најдобри стрелци во Чешката репрезентација, додека Рниќ четири пати се запиша во листата на стрелците за Србија.