За помалку од еден ден, откако дозна дека нема да смета до крајот на сезоната на норвешката репрезентативка Нора Мерк, Ѓер обезбеди ново засилување. Унгарскиот и европски шампион на патот кон одбрана на титулата ќе добие помош од шпанската интернационалка Миреха Гонзалез.

Станува збор за 27-годишна ракометарка, која доаѓа од локалниот ривал ЕРД. Потекнува од составот на Алкобендас, а три сезони помина и во дресот на францускиот Мио Бигано, со кој играше во финалето на Челинџ Купот пред три сезони.

„Чест е да се игра за Ѓер. И посакувам на Мерк побрзо враќање на терените. Ова е одлична можност за мене да го дадам најдоброто и да му помогнам на тимот во одбрана на титулата.“ – изјави Гонзалез.

Ѓер веќе го обезбеди местото во четвртфиналето на Лигата на шампионите, но не може да остане мирен, бидејќи се уште ја нема на располагање повредената Едуарда Аморим, а ниту Ања Алтхаус нема да може да игра до крајот на сезоната.