Нема многу пауза за репрезентативците, на 2 јануари заминуваат за Словенија

Репрезентативците кои се најдоа на списокот на Данило Брестовац за подготовките во јануари веќе во вториот ден од новата година ќе мора да се појават на собир. Ракометарите веднаш на 2 јануари заминуваат за Словенија каде што ќе имаат тридневни активности.

Според планот веќе на 3 јануари ќе биде одигран натпревар против репрезентацијата на Словенија. Ден потоа ќе може да се тренира, а веќе на 5 јануари следува нов контролен меч против составот на Црна Гора.

Ова ќе бидат последните контроли пред заминувањето за Австрија. Се патува на 9 јануари, а ден потоа се игра првиот дуел. Македонија ќе го отвори Европското првенство против селекцијата на Украина на 10 јануари, а почетокот на средбата е закажан за 20:30 часот.

Втората средба ќе биде против селекцијата на Чешка од 16 часот на 12 јануари, додека на 14 јануари е предвиден последниот дуел. Тој се игра против составот на домаќинот Австрија од 18:15 часот.