Ракометарите на Вардар се подготвени за првиот натпревар на Светското клупско првенство во Дамам. Тие ќе играат во последното четврт-финале денеска и ќе се соочат со Ал Мудар од Саудиска Арабија.

Проблемите коишто ги имаа со патувањето во две групи се надминати и сите ракометари се во салата каде што се играат натпреварите.

Сите се подготвени да го дадат максимумот на ова натпреварување и да покажат дека Вардар може да дојде до пехарот кој недостига во колекцијата.

Атмосферата пред првиот натпревар на Супер Глоуб е одлична и сите очекувања се вардарци да стартуваат со победа.

Тоа се гледа и од насмевките кај ракометарите така што време е за убав натпревар и убав резултат.

Средбата почнува од 19 часот.