Хрватската ракометна репрезентација одигра одлична прва групна фаза во Минхен со што ги подгреа амбициите за висок пласман помеѓу хрватските навивачи. Вистинска еуфорија се крена особено по импресивната победа над Шпанија, по која момците на Лино Червар самоуверено се упатија кон Келн, каде требаше да стават печат на патот кон ново полуфинале на големите ракометни натпреварувања.

Голем број познати хрвати се најдоа денеска на трибините во “Ланксен арената” во Келн да ги поддржат “каубоите” на патот кон полуфиналето. Големо внимание предизвика присуството на сребрените фудбалери од изминатото СП во Русија, Иван Перишиќ од Интер, и Анте Ребиќ од редовите на Ајнтрахт Франкфурт.

Хрватските спортисти ја користат секоја прилика да си ја дадат потребната поддршка на големите спортски настани, но сепак присуството на овие две големи фудбалски  ѕвезди не успеа да им помогне на хрватите на патот кон нова победа.