Пивотот од Македонија кој во новата сезона ќе настапува во Асобал лигата, Костадин Петров го одигра својот прв натпревар за Гвадалахара во првенството на Шпанија, а загуби на гостувањето кај Логроњо Ла Риоха со 23:25.

Петров не успеа да постигне погодок на својот прв меч, а имаше еден нереализиран удар. Покрај тоа доби две исклучувања во 43 и 52 минута.

На овој натпревар блескаше ветеранот на голот на Гвадалахара, Хозе Хомбрадос. Тој собра 18 интервенции, но и ова не беше доволно да се дојде до победа на гостувањето.