Домаќинот на наредното Европско Првенство за мажи, Полска го искористи присуството на големиот број меѓународни медиумски куќи и новинари кои го покриваат Европското Првенство за жени и на последниот слободен ден во Будимпешта ја промовираше новата маскота на Европското првенство 2016.
Златната рака на која со црвени букви е испишано ЕУРО2016 ќе ги краси арените во Полска на почетокот на 2016 година. Организаторот на Европското првенство 2016 се потруди во презентацијата да ја вметне и полската традиција и нејзините специјалитети и со пригодна национална софра ги почести присутните новинари во прес центарот на Арената „Ласло Пап“.
Македонија во квалификацискиот циклус место меѓу најдобрите 16 на првенството ќе бара преку Франција, Чешка и Швајцарија. Натпреварите во Полска ќе се одиграат од 17 до 31 јануари 2016, а домаќини ќе бидат 4 града Краков (Краков Арена), Вроцлав (Хала Стулеција), Катовице (Сподек), Гданск(Ерго Арена).
Натпреварите од финалната фаза ќе се одиграат во главниот град на Полска, а Вроцлав освен во групната фаза ќе биде домаќин и на натпреварите за 5 и 7 место, натпревари кои водат до Олимписките игри во Рио 2016.
Македонија во зависност од резултатите кои ќе ги постигне во квалификациите, своите натпревари би ги играла во Катовице, кој е резервиран за балканските земји и нивните навивачи.