Иди ми, дојди ми – Булатовиќ се враќа во Ѓер?

Ракометарката на Будуќност, Катарина Булатовиќ, во наредните неколку денови би требало да биде промовирана како нова членка на европскиот првак Ѓер.

Поранешниот тим на десниот бек е најупорен во инсистирањето таа да се врати во Ѓер, иако има интерес и од рускиот Ростов Дон и Шиофок.

Булатовиќ веќе играше за Ѓер пред пет сезони и ја освои титулата во Лигата на шампионите. Иако е во зрели години, сепак се уште е во одлична форма.

Лани третпат се врати во подгоричка Будуќност, а со црногорскиот првак сезонава ќе игра во четвртфиналето на елитното натпреварување.

Првата титула во ЛШ ја освои со данскиот Шлагелсе, а најголем успех со националниот тим го оствари во 2012 година, кога со Црна Гора стана европски првак.