Ракометарите на Куманово по поразот на стартот во новата сезона од Преспа, ја забележаа првата победа во Првата лига, откако го совладаа солидниот состав на Партизан Гевгелија со 31:28. Во првото полувреме гостите го диктираа темпото и водеа и со 4 голови разлика, но на пауза заминаа само со гол предност, 13:14.

Во второто полувреме домашните направија серија од 5-1 за 18:15 и не го испуштија водството до конечните 31:28. Партизан се доближи еднаш на минус 1, но не успеа комплетно да се врати во мечот. Џабе беа и 13 постигнати голови на Михаил Аларов и оние 6 на другиот младински репрезентативец Иван Џонов. Во победничкиот тим се истакна Даниел Несторовски со 10 голови.

Фото: kumanovskimuabeti.mk