Помошникот на селекторот Обрван во македонската репрезентација, Данило Брестовац се враќа во Франција.
Овојпат асистентот на Лино Червар од Металург ќе ја продолжи својата кариера во Шамбери. Клубот чиј предводник е Ивица Обрван пред неполн месец остана без помошник-тренерот, легендарниот Џексон Ричардсон, кој ќе се обиде да го внесе Дижон во најквалитетната француска лига.

Како што објави локалниот француски весник „Ле Дофин“, а пренесе влијателниот француски ракометен портал „Хендњуз“, претседателот на клубот Ален Пончет потврди дека договорот е веќе постигнат, а соработката меѓу Обрван и Брестовац од македонската репрезентација ќе продолжи во француското првенство наредната сезона.