По последниот натпревар од СЕХА лигата во “Борис Трајковски” за оваа година, Червар, Маџовски, Ортега и Илиќ го дадоа своето видување за одиграниот натпревар.

Ортега Карлос, тренер на екипата на Веспрем:
Секогаш е тешко да се игра во Скопје без ралика дали против Металург или Вардар. Во првото полувреме не одигравме на ниво во одбрана, а во вториот дел на почетокот ја направивме клучната разлика која ја одржуваме до крај. Металург е борбена екипа и очекував тежок натпревар. Се надевам дека нема да изгубиме до крај на СЕХА лигата.
Момир Илиќ, ракометар на Веспрем:
Сакам да им честитам на Металург за фер и коректна игра. Носителите на играта, кои се натпреваруваат за екипата последните пет/шест години, сеуште играат во Металург и знаевме дека ќе биде тешко. Го направивме клучното водство на натпреварот во првите пет минути од вториот дел, а нашата одбрана и голманот ја завршија работата.
Лино Червар, тренер на екипата на Металург:
Сакам да им честитам на добрата и коректна игра не сум навикнат да и давам комплименти на мојата екипа по пораз, но по се што се случуваше, сакам да им честитам. Мислам дека беше добар натпревар и покажавме дека во овој клуб се исплати да се инвестира и овој клуб е богатство на македонскиот ракомет.
Борјан Маџовски, ракометар Металург:
Да им честитам на фер и коректната игра на Веспрем ги слушавме советите на нашиот тренер, а наше беше да се бориме. Мило ми е што добивме шанса ние младите на овој натпревар.