Првите минути покажаа дека  домаќините се мотивирани и полни самодоверба по поразот од Киелце.  Добрата одбрана на Плок ги принуди шампионите на Данска на грешки во нападот, а само благодарение на расположениот голман  Каспер Хвит, скандинавците заостануваа со “само” 6: 4. По една четвртина од играта Плок одигра лош период, во кој имаа и два играча помалку, а тоа резултираше со два гола на Лукас Карлсон за намалување на водството (10: 9). Висла имаше шанса да го зголеми водството до крај на првиот дел, ноне искористија два напада по ред и по триесет минути игра, двете екипи отидоа на пауза со резултат 15:14.

Вториот дел започна во знакот на чуварите на мрежите на двата тима. По 5 минути игра, Ландин конечно постигна погодок. Висла Плок имаше три голови предност во 40-та минута 19-16, но тоа не ги спречи гостите со пожртвувана игра во одбраната и одличниот голман Хвит да запишат  нови два бода од гостување. Во 58-та минута Бо Спелерберг го донесе првото водство на натпреварот за КИФ 27-26. Ракометарите на Колдинг како и во последните три сезони на крај се радуваа на конечниот резултат 28-29.

Орлен Висла: Р.Коралес (26% 9/37, 1/2 п.) – A.Вишниевски, И.Никчевиќ (2), M.Дашек, В.Гионеа (2, 0/1 п.), T.Роча (3, 2/3 п.), З.Квиатковски (1), K.Сипржак (5), A.Тиуменцев (3), M.Јуркевич (5), Д.Ракотеа (1), A.Монторо (3), Н. Зеленовиќ (3)

КИФ Колдинг Копенхаген: К.Хвит (36% 14/40) -С.Јенсен (1), М.Ландин (3), M.Долк (2, 1/2 п.), T. Лаен (3), С. Виудес (1), K.Ирминг (1), Л.Јоргенсен, Л.Карлсон (7), Л.Боесен, Л.Андерсон (3), Б.Спелербег (3, 0/1 п. ), K.Андерсон (5)