Ракометарките на ЧСМ Букурешт го освоија третото место на турнирот „Трофеј Скопје“, откако во малото финале славеа над реновираниот состав на Будуќност со убедливи 31-21. Само во првите пет минути, црногорскиот тим беше конкурентен и имаше 2:3.

Во 10 минута романскиот шампион стигна до плус 3, 2:5, па потоа и 3:7 за на пауза тимот предводен од Хеле Томсен да замине со водство од 6 голови, 10:16. Половина од головите на Будуќност во овој период ги даде младата Јауковиќ.

Во вториот дел немаше многу дилеми и романскиот тим само ја одржуваше и зголемуваше предноста се до конечните 21:31. Најдобри стрелци кај Будуќност беа Јауковиќ со 7 и Грбиќ со 5, додека кај победникот на овој дуел, ЧСМ кој освен третото место освои и 3.000 евра се истакнаа Гулден и Базалиу со по 5 голови.