Ракометарите на Фуксе Берлин ќе ја бранат титулата на неофицијалното светско клупско првенство, Супер Глоуб во Доха, откако германскиот тим славеше во полуфиналето над домаќинот Ал Сад со 23:30.

Домашните се држеа во поголемиот дел од првото полувреме, 7:7, гол  за гол се играше до 11:11, но во финишот ХАнс Линдберг им донесе на „лисиците“ плус 3, 13:16. Во вториот дел Фуксе се одлепи на плус 5, 15:20 во 39 минута и веќе немаше дилеми околу конечниот победник, па до крајот само се зголеми разликата за одлични 23:30.

Најдобри стрелци во победничкиот тим беа Ханс Линдберг со 8 голови, и Игнасио Плаза со 5, додека во тимот на Ал Сад по 4 голови дадоа Ал Карби, Боу и Али Сид. Противник на Фуксе Берлин во борбата за титулата ќе биде Барселона.