Капитенот на Вардар, Стојанче Стоилов после првата победа во Лигата на шампионите даде свое видување за играта во Полска. На дуелот против Висла Плоцк беше забележан триумф од 26:22, а ова беше првпат Вардар да победи во Полска.

Сепак, се видоа одредени проблеми, а главно тоа беше реализацијата која се појави како проблем и на дуелите од СЕХА-лигата.

„Одигравме добар натпревари и можеме да  бидеме задоволни што ја почнавме сезоната со победа. Сепак, моравме да победиме со поголема разлика бидејќи бевме многу подобри. Имавме грешки во нападот и во реализацијата, а и го разбранивме голманот на Висла така што останавме на само четири гола разлика. Меѓутоа, најважно е тоа што тргнавме во сезоната со победа бидејќи никогаш досега не сме успеале да дојдеме до победа во Полска“, изјави Стоилов.