Ракометарите на Партизан Гевгелија имаа успешен старт во новата сезона во Првата Лига. На домашен терен во Гевгелија беше убедливо совладан новакот во оваа конкуренција, Рудар Пробиштип, со 41:27.

Уште на стартот фатија ред домаќините и поведоа со 5:1, па беше јасно што го чека гостинскиот состав. На полувреме беа обезбедени плус 9, 19:10, а во вториот дел разликата само се зголеми до плус 14, за конечни 41:27.

Најдобар поединец кај Партизан Гевгелиј беше младинскиот репрезентативец Иван Џонов со 9 голови, 8 постигна Михаил Аларов, додека по 7 пати во листата на стрелците се запишаа Димитар Вегов и Иван Митревски. Во поразениот состав, Павел Стојанов беше единствен што парираше со 9 голови.