На речиси два месеца пред почетокот на Мундијалот во Катар, организаторот се соочува со проблеми поради откажување на азиските претставници од натпреварувањето. Откако вчера и официјално беше доставено решението на ракометната федерација на Бахреин со кое се откажуваат од учество на Светското првенство во Катар, денес истото го најавија и Соединетите Арапски Емирати. Како причинина за повлекувањето тие ги наведоа техничките причини и несоодветна припрема на тимот.
Кои две репрезентации ќе ги заменат нивните места во групите Ц и Д, ИХФ ќе одлучува на 21 ноември на следната седница на собранието на ИХФ. Веќе биле контактирани неколку репрезентации меѓу кои Јужна Кореа, Саудиска Арабија, Исланд и Србија. Во која насока ќе биде одлуката на ИХФ, дали ќе се обидат да ги смират страстите на европјаните по скандалозната одлука да ја прифатат кандидатурата на Германија, откако ИХФ и го одзема легитимитетот на Австралија или ќе се одлучат за популаризирање на ракометот на други континенти ќе дознаеме наскоро.