Селекторот на женската сениорска репрезентација на Македонија, Симе Симовски, го објави поширокиот список на ракометарки за ЕХФ неделата, која ќе трае од 20 до 27 ноември. Првиот собир е закажан за понеделник, 20 ноември 2017, со почеток во 09 часот во СРЦ „Кале“ во Скопје.

Во рамки на ЕХФ неделата, нашата репрезентација ќе настапи на меѓународниот турнир „Карпати Трофеј“ што ќе се игра во Крајова во Романија. На турнирот, покрај Македонија, ќе настапат и селекциите на Романија, Бразил и Полска, а натпреварите ќе се играат во периодот од 24 до 26 ноември.

Распоред на натпревари:
24.11, 17 часот, Македонија – Бразил
25.11, 16 часот, Македонија – Романија
26.11, 14 часот, Македонија – Полска

Иако се на списокот, во Романија нема да патуваат повредената Мирјета Бајрамоска, како ни Трпковска и Ѓорѓиевска кои играат во Турција, а таму ќе имаат првенствени натпревари, со оглед на тоа што Турција не игра на СП, па има редовно коло.

Список на повикани ракометарки:

Голмани:

МАТЕЈА СЕРАФИМОВА – ГРЦИЈА
ДРАГАНА ПЕТКОВСКА – ДАНСКА
НАТАША АНТИЌ – СЛОВАЧКА

Крила:

ЈОВАНА САЗДОВСКА – ЖРК ВАРДАР
САРА РИСТЕВСКА – ЖРК ВАРДАР
НАТАША НОЛЕВСКА – ДАНСКА

Бекови:

ТЕОДОРА КЕРАМИЧИЕВА – ЖРК ВАРДАР
МИРЈЕТА БАЈРАМОСКА – ЖРК ВАРДАР
ЛЕОНИДА ГИЧЕВСКА – ЖРК ВАРДАР ЈУНИОР
ДУШИЦА ЃОРГИЕВСКА – ТУРЦИЈА
АЛЕКСАНДРА БОРИЗОВСКА – ЖРК КУМАНОВО
ЕЛЕНА ЃОРЃИЕВСКА – УНГАРИЈА
МАЈА ТРПКОВСКА – ТУРЦИЈА
АНГЕЛА ТОДОРОВСКА – РОМАНИЈА
ЕЛЕНА ЛИВРИНИЌ – РОМАНИЈА
ДАЈАНА ЈОВАНОВСКА – РОМАНИЈА
ЗОРИЦА ДЕСПОДОВСКА – ПОЛСКА
ВИКТОРИЈА ПЕОВСКА – ЖРК КУМАНОВО

Пикери:

ИВАНА ГАКИДОВА – ФРАНЦИЈА
МАРИЈА НИКОЛИЌ – ГРЦИЈА