Женската репрезентација на Македонија во ракомет денеска се собра во Скопје каде што се приклучија интернационалките со исклучок на голманката Наташа Антиќ.

Иако без пауза ракометарките одработија во СРЦ „Кале“, а ќе тренираат и утре по што в среда заминуваат за Шведска каде в четврток ќе биде одигра првиот натпревар од квалификациите за ЕП 2018.

Јасно е дека Швеѓанките се фаворити, но Македонија нема што да загуби на овој дуел. Девојките ќе може да одиграат смирено и да ги покажат своите квалитети. Во јуни одиграа две средби и тогаш не успеаја, но затоа сега може да покажат дека имаат напредувано.

Сега ќе бидат комплетни, а тоа значи дека Симовски може да смета на ракометарките на кои планираше и да се обиде да го извлече максимумот од нив.