Во второто коло од втората фаза од Лигата на шампионките екипата на ЦСМ Букурешт на свој терен ја пречека данската екипа Митјиланд. Натпреварот заврши со победа од 24:22 (10:12) за составот предводен од Ким Расмусен. Хеле Томсен имаше свое шоу и на натпреварите против Вардар, а овој пат хрватските судии успеаа целосно да ја извадат од такт искусната Данка.

По завршувањето на натпреварот во кој Митјиланд во неколку наврати имаше водство, а доколку имаше други делители на правдата можеби и ќе победеше, Хеле Томсен нервозно го напушти теренот и одби да се поздрави со тренерот на Букурешт, Ким Расмусен и остатокот од стручниот штаб.

По натпреварот Томсен нагласи дека Букурешт победил благодарение на судиите кои биле ,,подмитени”.