Тренерот на Вардар, Раул Гонзалес се најде во изборот на ЕХФ за најдобар тренер во ЛШ. Гонзалес втора година по ред го доведе Вардар на чекор до фајнл-фор турнирот во Келн, но никако не успева да ја помине последната четвртфинална пречка. Минатата година Фленсбург а оваа Киелце беа екипите кои го срушија “црвено-црниот” сон за фајнл-фор. Покрај шпанецот во изборот за најдобар тренер се најдоа и Алфред Гисласон (Кил), Хуан Пастор (Пик Сегед), Веселин Вујовиќ (ППД Загреб) и Талант Душебаев (Киелце).